2026 წლის 7-11 სექტემბერს ჩეხეთის ქ. ოსტრავაში გაიმართა მიწის და ეკოლოგიურ მეცნიერებათა მე-10 მსოფლიო მულტიდისციპლინარული კონგრესის (WMCEES 2026).

სესიას "Environmental Engineering II" ხელმძღვანელობდა სსიპ გრიგოლ წულუკიძის სამთო ინსტიტუტის მეცნიერი თანამშრომელი გიორგი ლელუაშვილი, ხოლო სესიას "Geochemistry, Geophisics & Seismology, Modelling and Soft Computing in Earth Sciences"- ლაბორატორიის უფროსი, მთავარი მეცნიერი თანამშრომელი გიორგი ნოზაძე.

ზეპირი მოხსენებით გამოვიდნენ ინსტიტუტის თანამშრონმლები:

1. "Numerical Analysis of the Magnetic Flux Leakage Field Induced by Internal Defects in Longitudinal Ferromagnetic Structures" - გიორგი ნოზაძე (თანაავტორები: ნიკოლოზ ჩიხრაძე, გიორგი ლელუაშვილი, გიორგი ჩიქოვანი) ;

2. "New Reliable, Efficient, and Cost-Effective Cathodic Protection System" - გიორგი ლელუაშვილი (თანაავტორები: ნიკოლოზ ჩიხრაძე და ლევან ლელუაშვილი).

იხილეთ კონგრესის პროგრამა და აბსტრაცტების კრებული.

2026 წლის 18 აგვისტოს სსიპ შოთა რუსთაველის საქართველოს ეროვნულმა სამეცნიერო ფონდმა გამოაცხადა 2026 წლის მეცნიერების პოპულარიზაციისათვის მიზნობრივი საგრანტო კონკურსის საბოლოო შედეგები. .

დასაფინანსებლად შეირჩა 20 პროექტი, მათ შორის სსიპ გრიგოლ წულუკიძის სამთო ინსტიტუტიდან:

SPG-26-261 ""საშაბათო სკოლა" გზა სამთო მეცნიერებისკენ, სამთო დარგის პოპულარიზაცია მომავალ თაობებში".

პროექტის მონაწილეები:

ხელმძღვანელი - მამუკა ბაღნაშვილი,

კოორდინატორი - ასმათ შეყილაძე,

ძირითადი შემსრულებელი - თენგიზ შუბითიძე,

თანამონაწილე ორგანიზაცია - საქართველოს ტექნიკური უნივერსიტეტი.

დეტალური ინფორმაცია კონკურსის შედეგების შესახებ იხილეთ სსიპ შოთა რუსთაველის ეროვნული სამეცნიერო ფონდის ვებ-გვერდზე  

ელგუჯა მეძმარიაშვილი

 80  წლის იუბილარია

პირველი ქართული კოსმოსური ობიექტის გენერალური კონსტრუქტორი,

საქართველოში კოსმოსური ტექნიკის და სამხედრო-საინჟინრო სამეცნიერო, ტექნოლოგიური და აკადემიური დარგების დამაარსებელი

• საქართველოს მეცნიერებათა ეროვნული აკადემიის აკადემიკოსი,
• გენერალ-მაიორი,
• სამხედრო მეცნიერებათა დოქტორი,
• ტექნიკის მეცნიერებათა დოქტორი, პროფესორი,
• სახელმწიფო პრემიის ლაურეატი,
• გიორგი ნიკოლაძის სახელობის პრემიის ლაურეატი,
• საქართველოს, სხვა ქვეყნების და საერთაშორისო ორგანიზაციების სახელმწიფო და საუწყებო ორდენებისა და მედლების, მათ შორის, საქართველოს უმაღლესი სამხედრო ჯილდოს, ვახტანგ გორგასლის  I ხარისხის ორდენის კავალერი,
• საქართველოს მე-5 მოწვევის პარლამენტის წევრი,
• ქ. მცხეთის, ბათუმისა და თბილისის საპატიო მოქალაქე.

• მისი მოღვაწეობის ძირითადი მიმართულებებია: კოსმოსური და მიწისზედა სპეციალური დანიშნულებისა და სამხედრო-საინჟინრო ნაგებობები და კომპლექსები; ტრანსფორ-მირებადი საინჟინრო სისტემების თეორია: საქართველოს ტერიტორიის თავდაცვის-თვის საინჟინრო მომზადება; საბრძოლო მოქმედებების სამხედრო-საინჟინრო უზრუნველყოფა და სამხედრო თეორია.
• ადრეულ ეტაპზე „საიდუმლო“, „სრულიად საიდუმლო“ და „განსაკუთრებული მნიშვნელობის“ სამთავრობო დადგენილებებით, გადაწყვეტილებებით და ბრძანებებით ელგუჯა მეძმარიაშვილის ხელმძღვანელობით და უშუალო მონაწილეობით შეიქმნა ბალისტიკური რაკეტების სტარტის ადრეული აღმოჩენის კოსმოსური და მიწისზედა ავტონომიური კომპლექსები, რომლებიც აგებული იყო დიდი ზომის გასაშლელი რეფლექტორული ანტენების ბაზაზე. ელგუჯა მეძმარიაშვილი ასევე უშუალოდ მონაწილეობდა „ღია ლიტერატურაში“ გამოქვეყნებულ კოსმოსურ პროგრამებში. მათ შორის: ორი, შეწყვილებული, წრიული გასაშლელი კონსტრუქცია „კრაბის“ შექმნაში, რომელიც განხორციელდა 1989 წელს კოსმოსურ ხომალდ „პროგრეს 40-ზე“ და 14,5-მეტრიანი ასაწყობი კონსტრუქციის საბაზო ნაწილის შექმნაში, რომელიც ორბიტულ სადგურ „მირზე“ აიგო 1991 წ.
• შემდგომ ეტაპზე მისი ხელმძღვანელობით და უშუალო მონაწილეობით 1995-2025 წლებში, კომპანიების და ორგანიზაციებისათვის შესრულდა სამეცნიერო და ტექნოლოგიური სამუშაოები: „Daimler Bens Aerospace” - გერმანია, “Alenia Aerospazio” - იტალია,“მიუნხენის ტექნიკური უნივერსიტეტი’’, ევროპული კოსმოსური სააგენტო - ESA და „EOS Data Analytics” - აშშ კონტრაქტებით.
• ელგუჯა მეძმარიაშვილის მიერ რეალიზებულ სამუშაოებში უმნიშვნელოვანესია პირველი ქართული კოსმოსური ობიექტი „რეფლექტორი“, რომელიც ღია კოსმოსურ სივრცეში, ორბიტულ სადგურზე 1999 წ. 23-28 ივლისს წარმატებით გაიშალა, გამოიცადა და შემდეგ მოძრაობა გააგრძელა დამოუკიდებელ, დედამიწის ირგვლივ ორბიტაზე.
• საქართველოში ყოველი წლის 23 ივლისი, როგორც საქართველოს ისტორიაში ეროვნული ღირსების აღმნიშვნელი, დაწესდა “პირველი ქართული კოსმოსური ობიექტის დღედ”.

სსიპ გრიგოლ წულუკიძის სამთო ინსტიტუტი

საქართველოსა სამთო საზოგადოება

საქართველოს სამთო მეცნიერებათა აკადემია

„სამთო ჟურნალი“-ს სარედაქციო კოლეგია

2026 წლის 29 ივლისს, სსიპ გრიგოლ წულუკიძის სამთო ინსტიტუტში გაიმართა საქართველოს სამთო მეცნიერებათა აკადემიის სხდომა. 

სხდომას ესწრებოდნენ ნიკოლოზ ჩიხრაძე, ლევან ჯაფარიძე, ედგარ მატარაძე, ჯონი შუბითიძე, ანზორ აბშილავა, ირაკლი გუჯაბიძე, დემურ ტალახაძე, არჩილ მაღალაშვილი, ზურაბ გუდავაძე, გიორგი ჩხეიძე, გიორგი ხეცურიანი და კახაბერ მჭედლიშვილი.

დღის წესრიგში შედიოდა შემდეგი საკითხები:

1. საქართველოს სამთო მეცნიერებათა აკადემიის მიერ გაწეული საქმიანობის შესახებ ინფორმაციის მოსმენა.
2. „სამთო ჟურნალის“ №1(50), 2026 წლის ნომრის გამოცემის მდგომარეობის განხილვა და სარედაქციო კოლეგიის ახალი წევრების დამტკიცება.
3. გრიგოლ წულუკიძის მედლით დაჯილდოების წესისა და დებულების განხილვა და დამტკიცება.
4. გრიგოლ წულუკიძის მედალზე წარდგენილი კანდიდატების განხილვა.
5. საქართველოს სამთო მეცნიერებათა აკადემიის წევრთა არჩევნები.
6. სამეცნიერო ფონდების კონკურსებში მონაწილეობის შესაძლებლობების განხილვა.

საქართველოს სამთო მეცნიერებათა აკადემიის პრეზიდენტმა, ნიკოლოზ ჩიხრაძემ, დამსწრე საზოგადოებას გააცნო აკადემიის მიერ საანგარიშო პერიოდში განხორციელებული საქმიანობა, საერთაშორისო და ადგილობრივი თანამშრომლობის შედეგები, სამომავლო გეგმები და აკადემიის განვითარების ძირითადი მიმართულებები.

ნიკოლოზ ჩიხრაძემ ინფორმაცია წარმოადგინა "სამთო ჟურნალის“ №1(50), 2026 წლის ნომრის გამოცემის მდგომარეობისა და სარედაქციო კოლეგიის ახალი წევრების დამტკიცების შესახებ. მან აღნიშნა, რომ გამოსაცემად მომზადებულია „სამთო ჟურნალის“ №1(50) ნომერი. ნიკოლოზ ჩიხრაძემ სხდომას გააცნო სარედაქციო კოლეგიის მუშაობის შედეგები:

• სარედაქციო კოლეგიაში შემოვიდა 14 სამეცნიერო სტატია;
• პირველადი რეცენზირების შედეგად მოიხსნა 2 სტატია;
• პლაგიატის შემოწმებაზე გადაიგზავნა 12 სტატია, საიდანაც 3 ავტორებს დაუბრუნდათ ხარვეზების გამოსასწორებლად;
• განმეორებითი რეცენზირების შედეგად მოიხსნა კიდევ 1 სტატია;
• გამოსაცემად მიღებულია 11 სამეცნიერო სტატია.

ამავე საკითხის ფარგლებში, სარედაქციო კოლეგიის წევრებად დამტკიცდნენ ნიკოლოზ ჩიხრაძის მიერ წარდგენილი კოლორადოს სამთო სკოლის სამთო ინჟინერიის პროფესორი Jürgen F. Brune,  ჟურნალ "Mining, Metallurgy and Exploration" (MMEX) მთავარი რედაქტორი (Springer), მაღაროების უსაფრთხოებისა და ჯანმრთელობის საერთაშორისო აკადემიის (IAMSP) საბჭოს წევრი, და კლაუსტალის ტექნიკური უნივერსიტეტის პროფესორი Ildiko Tulbure, ჟურნალ "Earth and Planetary Insights" მთავარი რედაქტორი.

სხდომაზე განიხილეს და დაამტკიცეს გრიგოლ წულუკიძის მედლით დაჯილდოების წესი და დებულება.

ნიკოლოზ ჩიხრაძემ სხდომას მოახსენა, რომ შემუშავებულია „გრიგოლ წულუკიძის მედლით“ დაჯილდოების წესისა და დებულების პროექტი. მან განმარტა, რომ აღნიშნული მედალი წარმოადგენს სსიპ გრიგოლ წულუკიძის სამთო ინსტიტუტისა და საქართველოს სამთო მეცნიერებათა აკადემიის უმაღლეს ჯილდოს და გაიცემა სამთო მეცნიერების, უმაღლესი განათლებისა და სამთო მრეწველობის განვითარებაში შეტანილი განსაკუთრებული წვლილისათვის. ასევე აღნიშნა, რომ საჭიროების შემთხვევაში დებულებაში შესაძლებელია შესაბამისი ცვლილებებისა და დაზუსტებების შეტანა.

განხილული და დამტკიცებული იყო გრიგოლ წულუკიძის მედლით დასაჯილდოებლად წარმოდგენილი აკადემიკოს ლ.ჯაფარიძის და რმჯ-ის გენერალური დირექტორის ჯ.შუბითიძის კანდიდატურები. შესაბამისი გადაწყვეტილება გაფორმდა დადგენილი წესით.

აირჩიეს  საქრთველოს სამთო მეცნიერებათა აკადემიის ახალი წევრები:

• აკადემიკოს წევრად - უნივერსიტეტის ვიცე-რექტორი, თამარ წერეთელი;
• აკადემიკოს წევრად - უკრაინის სამთო მეცნიერებათა აკადემიის პრეზიდენტი, იური ვილკული;
• საპატიო წევრად – „მეხანობრჩერმეტის“ გენერალური დირექტორის პირველი მოადგილის, სამეცნიერო-ტექნიკური საბჭოს თავმჯდომარის, უკრაინის სამთო მეცნიერებათა აკადემიის საპატიო აკადემიკოსისა და საერთაშორისო ურთიერთობების ვიცე-პრეზიდენტი, პიოტრ ბილენკო;
• ასოცირებულ წევრად – საქართველოს ტექნიკური უნივერსიტეტის სამთო და გეოინჟინერიის მიმართულების აკადემიური დოქტორი (PhD), პროფესორი გიორგი ხეცურიანი.

განიხილეს საერთაშორისო და ეროვნული სამეცნიერო ფონდების საგრანტო კონკურსებში საქართველოს სამთო მეცნიერებათა აკადემიის სახელით მონაწილეობის შესაძლებლობები. აღინიშნა საერთაშორისო თანამშრომლობის გაფართოების, ერთობლივი სამეცნიერო პროექტების მომზადებისა და ახალი საგრანტო შესაძლებლობების აქტიურად გამოყენების აუცილებლობა.

.

.

.

.

.

.

.

გრიგოლ წულუკიძის სამთო ინსტიტუტი და საქართველოს სამთო მეცნიერებათა აკადემია გულითადად ულოცავს ბატონ ალექსანდრე ბეჟანიშვილს და ბატონ დემურ ტალახაძეს საქართველოს ტექნიკური უნივერსიტეტის ოქროს მედლით დაჯილდოებას.

აღნიშნული ჯილდო წარმოადგენს მათი მრავალწლიანი, ნაყოფიერი და ღირსეული საქმიანობის მაღალ შეფასებას, რომელიც უკავშირდება მეცნიერების, განათლებისა და პროფესიული განვითარების საქმეში შეტანილ მნიშვნელოვან წვლილს.

ვუსურვებთ ბატონ ალექსანდრე ბეჟანიშვილს და ბატონ დემურ ტალახაძეს ჯანმრთელობას, დღეგრძელობას, მრავალ შემოქმედებით წელს, ახალ წარმატებებსა და ნაყოფიერ მოღვაწეობას როგორც სამეცნიერო, ისე აკადემიურ ასპარეზზე, ქვეყნის საკეთილდღეოდ.

ნიკოლოზ ჩიხრაძე

პროფესორი, საქართველოს მეცნიერებათა ეროვნული აკადემიის წევ-კორესპონდენტი

საქართველოს სამთო მეცნიერებათა აკადემიის პრეზიდენტი

სსიპ გრიგოლ წულუკიძის სამთო ინსტიტუტის დირექტორი

.

დეტალური ინფორმაცია იხილეთ ვებ-გვერდზე: https://istc.kz/apply-for-reseach-grants 

.

2026 წლის 25 თებერვალს სსიპ შოთა რუსთაველის ეროვნულმა სამეცნიერო ფონდმა გამოაცხადა 2025 წლის ფუნდამენტური კვლევებისათვის სახელმწიფო სამეცნიერო გრანტების კონკურსის შედეგები. დასაფინანსებლად შეირჩა 111 პროექტი, მათ შორის 3 პროექტი სსიპ გრიგოლ წულუკიძის სამთო ინსტიტუტიდან:.

.

.

1. FR-25-7189 "ბაზალტის ბოჭკოთი არმირებული ფიჭისებური მასალების შემუშავება და შესწავლა, მრავალფუნქციური გამოყენებისთვის" - პროექტის ხელმძღვანელი დ-რ სოფიკო კვინიკაძე, კოორდინატორი: დ-რ დავითი წვერავა.
2. FR-25-3676 "უტილიზირებული ფეთქებადი ნივთიერებების მოდიფიცირება ნანონაწილაკებით/კატალიზატორებით ნანოენერგეტიკული მასალების მისაღებად" - პროექტის ხელმძღვანელი: პროფ. დ-რ ნიკოლოზ ჩიხრაძე, კოორდინატორი: დ-რ თამარ იაშვილი.
3. FR-25-1564 "მანგანუმის შლამების კვლევა გამდიდრებადობაზე მაღალხარისხიანი კონცენტრატის მიღების მიზნით" - პროექტის ხელმმძღვანელი: დ-რ მამუკა ბაღნაშვილი, კოორდინატორი: დ-რ ასმათ შეყილაძე.

დეტალური ინფორმაცია კონკურსის შედეგების შესახებ იხილეთ სსიპ შოთა რუსთაველის ეროვნული სამეცნიერო ფონდის ვებ-გვერდზე  

სსიპ გრიგოლ წულუკიძის სამთო ინსტიტუტის კოლექტივი ულოცავს ბატონ ლევან ჯაფარიძეს საქართველოს ეროვნული პრემიის მინიჭებას.

დეტალური ინფორმაცია იხილეთ: https://postv.media/?p=28415

არემჯიმ სამთოელის პროფესიული დღე 2019 წელს დააწესა და ის ყოველი წლის 17 დეკემბერს აღინიშნება. 

ღონისძიებაზე არემჯის გენერალურმა დირექტორმა, ჯონი შუბითიძემ 2024-2025 წლების გამორჩეული სამთოელები დააჯილდოვა. 6 წლის განმავლობაში კომპანიამ 43 დამსახურებული თანამშრომელი დააჯილდოვა.

კომპანიის ინიციატივით, წელს პირველად, სამთო საქმის განვითარებაში შეტანილი განსაკუთრებული წვლილისთვის „საპატიო სამთოელის ჯილდო“ დაწესდა, რომელიც აკადემიკოს ლევან ჯაფარიძეს გადაეცა. 

წარმოების 50 წლის იუბილესთან დაკავშირებით, არემჯის კორპორაციულმა დირექტორმა, კახაბერ მჭედლიშვილმა გააცნო სტუმრებსა და თანამშრომლებს კომპანიის მიერ ინიციირებული ორი პროექტი. პირველი პროექტი, სამთოელის კოსტიუმის ტარების მივიწყებული ტრადიციის გაცოცხლებას უკავშირდება. სამთოელის ახალი, საზეიმო კოსტიუმის შექმნაზე დიზაინერმა ანუკა ქებურიამ იმუშავა. ღონისძიებაზე მოსულ სტუმრებს მისი ნახვა თეთრ დარბაზში შეეძლოთ. ხოლო მეორე მასშტაბური პროექტი მოქანდაკე ვალერი ჯიქიას მიერ სამთო საქმისადმი მიძღვნილ მონუმენტზე მუშაობის დაწყებას უკავშირდება. მან მონუმენტის იდეა და ესკიზი სამთოელებსა და ღონისძიებაზე მოსულ სტუმრებს ჰოლოგრამული გამოსახულების მეშვეობით გაუზიარა.